مائیکروسافٹ نے 30 سال بعد ونڈوز پی سی کے کی بورڈ میں ایک تبدیلی کر دی ہے۔
رپورٹس کے مطابق کمپیوٹرز کے کی بورڈ میں اسپیس بار کے دائیں جانب 'کوپائلٹ-کی' کے نام سے ایک بٹن کا اضافہ کیا گیا ہے جو کہ مائیکروسافٹ کے اے آئی پروگرامز تک رسائی فراہم کرے گا۔
کوپائلٹ بٹن کا مقصد مشکل یا غیر معمولی کاموں کو انجام دینے میں مدد کرنا ہے مثال کے طور پر طویل ای میلز لکھنا، ان کا خلاصہ کرنا یا AI تصاویر بنانا۔
مزے کی بات یہ ہے کہ نئے بٹن کا یہ اضافہ ٣٠ سال بعد ہوا ہے، آخری بار ١٩٩٤ میں کی بورڈ کے 'ونڈوز' بٹن کو متعارف کرایا گیا تھا جس کو اسٹارٹ مینو کھولنے کے لیے استعمال کیا جاتا ہے۔