.png)
ایک چھوٹے سے ساحلی گاؤں میں، لیو نامی نوجوان لڑکے اور ایک زخمی سیگل کے درمیان ایک غیر متوقع دوستی ہو گئی۔ لیو نے ایک طوفانی شام بگلے کو زخمی حالت میں پایا، اس کا پر ٹوٹا ہوا اور پنکھ بھیگے ہوئے تھے۔ لیو اس کو گھر لے آیا، وہ اس کی تیمارداری کرنے کے لیے پرعزم تھا۔
دن ہفتوں میں بدل گئے اور لیو اور پرندے کی دوستی کا رشتہ گہرا ہوتا گیا۔ لیو نے انتھک محنت سے بگلے کی تیمارداری کی، اس کی طرف پوری توجہ دی، اسے کھانا کھلایا، اس کے پروں کو صاف کیا، اور اس کی مرہم پٹی بھی کی. وہ اکثر اس سے بات کرتا، اور بگلا لیو کو اپنی روشن اور بڑی بڑی آنکھوں سے ایسے دیکھتا جیسے ہر لفظ کو سمجھ رہا ہو۔
آہستہ آہستہ بگلے کا زخمی پر ٹھیک ہوتا گیا، پھر وہ دن آ گیا جب وہ دوبارہ اڑ سکتا تھا۔ ایک دن آسمان روشن اور صاف تھا، اور یہ بگلے کے جنگل میں واپسی کے لیے ایک بہترین دن تھا۔
لیو کے دوست نے اسے روکا اور کہا "تمہیں اس سے اتنا پیار ہے. اسے اڑاؤ نہیں بلکہ اس کو پال لو"
لیو بولا کے "مجھے اس سے پیار ہے جبھی تو اس کو آزاد کر رہا ہوں، ایسا کیسے ہو سکتا ہے کہ مجھے اس سے پیار بھی ہو اور میں اسے چھوٹے سے پنجرے میں بند بھی رکھوں؟"
لیو نے کھڑکی کھولی اور بگلے نے آہستہ سے اڑان بھری اور پھر وہ گاؤں کے اوپر سے بلندی پر جا پہنچا۔ ایک لمحے کے لیے دونوں کی آنکھیں ملیں، شکر گزاری اور دوستی کا خاموش تبادلہ ہوا۔
وہ بگلا اپنے ساتھی بگلوں میں شامل ہونے کے بعد بھی، وقتاً فوقتاً لیو سے ملنے جاتا، سر کے اوپر چکر لگاتا جیسے ہیلو کہتا ہو۔ مہربانی کا ایک چھوٹا سا عمل ایک ایسا ربط پیدا کر سکتا ہے جو ساری سرحدوں کو عبور کرتا ہے۔
